“Klo lu nyari sesuatu, terus nyang lu cari kaga dapet, bukan be arti nyang lu cari kaga ade, karena orang laen bise ngedapetin ntu barang.” “Nafi’ul ilmi la yulzam min nafi’il wujud.” “Kaga tau bukan ngelazimin kaga adenye sesuatu” Nah klo ngeharomin Maulid lantaran alesan kaga nemuin dasar syari’atnye, ntu artinye cuma buwat alesan doang, karena kaga tau ntu cuma nunjukkin terbatesnye kemampuan pengetahuan nyang ade, dan kaga nunjukkin bahwa nyang kaga ketemu ntu emang kaga ade. Nah kebanyakan ulame nyang kesohor aje udah pade nemuin dasar nyang kuat terhadep kesunnahan ame keutamannye ntu Maulid.
Segale sesuatu nyang masih sifatnye mungkin, jangan dong dijadiin dalil.
“Maa dakholatil ihtimal, saqothil istidlal” “Segale sesuatu nyang masih sifatnye mungkin, kaga bise dijadiin dalil.” “At tarku laa yufiidhut tahrim.” “Ninggalin sesuatu, belon tentu nunjukkin keharomannye.”
Apabile suatu perbuatan nyang kaga dilakonin ame Nabi Muhammad SAW
belon tentu be arti masalah ntu harom dilakonin ame kite2.
Bise jadi nyang kaga dilakoninnye ame Nabi ntu mengandung suatu kemungkinan,
antare laen, ade hal nyang lebih penting buwat dilakonin.
Kalo kaga percaye, silakan nyimak tuh tulisan2 cucu2 ane tempo dulu,
atawe nyimak Kitab “At Tarku laa yuntajjul Hukmi.” Karangan Syeikh Syarif
Abdulloh Farroj Al Abdali, atawe Kitab “Husnut tafahhum wad darki li mas’alatit tarki.”
karangan Al Allamah Sayyid Abdulloh bin Ash Shiddiq Al Ghumari,
tapi nyang aseli ye, maklum ude ade nyang obok2 tu kitab.
Udah ah kaga panjang lebar, akhir kalam nyok kite ramein tane leluhur kite
ame ngerayain Maulidan, biarin aje nyang usil,..ibarat kate ade nyang nge gong2
kite mah jalan terus, siape ye nyang suka nge gong2…?
0 komentar:
Posting Komentar